اقوام متحدہ ۔9ستمبر (اے پی پی):اقوام متحدہ ءَ ناشرکاریءَ چہ آماچ بوتگیں مردمانی کمک کنگءِ کوشستانانی سرءَ زور پر داتگ۔ چینی حال رسانکی ادارگ ءِ گشگ ءِ ردءَ ناشرکاری ءَ چہ آماچ بوتگیں مردمانی ہوالگءَ اقوام متحدہ ءِ میاں اوستمانی کانگریس ءِ نام ءَ یک کلوہے ءِ تہا سیکرٹری جنرل انتونیو گوٹریس ءَ ایشی ءِ تہا سئے جہتی پیشرفت، نمبر یک ناشرکاری ءَ چہ آماچ بوتگیں مردمانی پجار ، دومی آئی ءِ گوما یکوئی ءِ درشانی ء ُ سئمی آماچیں مردماناں انصاف سرکنگ ءَ ہوار ناشرکاری ءِ گرءُدار کنگ ءِ سرءَ زور پِر داتگ۔ آئی ءَ ڈپٹی سیکرٹری جنرل امینہ محمد ءِ وسیلگ ءَ دیم داتگیں کلوہ ءِ تہا گشتگ کہ جوانیں ء ُ جزبگ ءِ گوما آماچیں مردمانی ضلورتاں پیلو کنگ لوٹ ایت۔ آئی ءَ گشتگ کہ بحالی ء ُ کمک ءِ ھاترءَ احتساب بنکی ارزشت داریت ءُ ایشی ءِ تہا آماچ بوتگیں زالبول ء ُ جنکانی حاسیں ضلورتاں منگ ہوا ر اَنت۔ آئی ءَ گشتگ کہ آ درائیں مردماں گوں دزبندی کتگ کہ آ ناشرکاری اُرشانی جستء ُ پُرسانی وہدءَ ساپ ء ُ سلائی ء ُ معلومداری دیئگءَ آماچیں مردمانی لوٹانی پسو ءَ بدے اَنت۔ آئی ءَ آماچیں مردمانی ذہنی جان ءُ سلامتی ء ُ نفسیاتی کمک ءِ تہا ازمت سرکنگءِسرءَ حاسیں دلگوشی دیئگ ءِ دزبندی ہم کتگ۔ آئی ءَ گشتگ کہ ناشرکاری نیزگاری، سیاسی ء ُ اقتصادی نامحکمی ء ُ موسمیاتی جیڑہ آں گیش کنگ ء ُ اے ہمک اُمبر، جنس، درائیں دود ء ُ ربیدگ، مذہب ء ُ راجانی مردماں آماچ کنت۔ آئی ءَ گشتگ کہ ناشرکاری میاں اوستمانی امن ء ُ ایمنی ء ُ سلامتی ءِ ھاترءَ مزنیں ھتر ہ اِت۔ آئی ءَ گشتگ کہ ناشرکاری ءِ ہلاسی کانگریس کاروائی کنگ ءِ ھاترءَ ما جزم کتگ ء ُ ما درس یکجاہ بن ء ُ ناشرکاری ءَ را پروش دیاں۔
