چین اٹی زمی جمب، 74 بندغ زوال، 259 ٹھپی، 26 بے گواہ

بیجنگ۔ 07 ستمبر (اے پی پی) چین نا سویل دیکی صوبہ سیچوان اٹی زمی جمب آن مرک آتا کچ ودسا 74 مس و 26 بندغ بے گواہ ءُ۔ چینی خبررساں ادارہ نا رداٹ چینی  پریفیکچر گانزی تبتی نا ریسکیو ہیڈکوارٹر پارے کہ زمی جمب آن گانزی ٹی 40 بندغ زوال ، 170 ٹھپی و 14 بے گواہ مسنو، وخت اس کہ صوبہ سیچوان نا شہریان اٹی 34 بندغ زوال، 89 ٹھپی و 12 بے گواہ مسنو۔ یات سلے کہ دوشنبےنا دے  چین نا سویل دیکی صوبہ سیچوان و کیبی ٹی 6.6 شدت نا زمی جمب ریکارڈ کننگا، ہرانا مرکز ڈغار نا کچ آن 10 کلومیٹر کڑمبی ٹی ئسک۔