ویلنگٹن۔ 18 اگست (اے پی پی) نیوزی لینڈ اٹی تدوک آ 24 گھنٹہ ٹی کورونا دین انا 4 ہزار 540 پوسکن ءُ کیس رپورٹ مسنے اوکان پد مچ آ ملک اٹی کورونا دین نا جم کیس آتا کچ 16 لکھ 90 ہزار 553 آن گدرینگانے۔ چینی خبررساں ادارہ نیوزی لینڈ نا وزارت جان جوڑی نا بابت پارے کہ مچ آ ملک اٹی تدوک آ 24 گھنٹہ ٹی کورونا دین آن 16 پوسکن آ زوال کروک آتیان پد زوال کروک آتا جم کچ ودسا اسہ ہزار 807 اسکان سرمسنے۔ ملک اٹی داوخت آ 473 زہمی بندغ درمان مننگ ءُ ہرافتے ٹی 10 بھاز نگہداشت نا یونٹ آتیٹی ءُ۔ وزارت پارے کہ مچ آ ملک اٹی کورونا دین آن دراخ جوڑ مروک آ بندغ آتا جم کچ 16 لکھ 75 ہزار 220 مسنے ہرافتے ملک انا جتا ہسپتال آتیان فارغ کرینے۔
