ٹوکیو۔ 22 جولائی (اے پی پی) جاپان اٹی اسہ دے اٹی کورونا دین انا ریکارڈ اسہ لکھ 86 ہزار 229 کیس مون آ بسنے۔ جاپانی خبررساں ادارہ نا رداٹ وزارت جان جوڑی پارے کہ تدوک آ شام اسکان مچ آ ملک اٹی کورونا دین انا اسہ لکھ 86 ہزار 229 کیس رپورٹ مس ہرا زہمی کیس آتیٹی پدریسہ ارٹ میکو دے ریکارڈ ودکی ءِ۔ حکومت جاپان کورونا کیس آتیٹی ودکی آن پد سیلف ڈیفنس فورس آتا کنڈآن ٹوکیو و اوساکا ٹی بھلو کچ اسے نا ویکسی نیشن ہند آتا ودکی آ سجفنگ نا بنا ءِ کرینے۔ مرکزی حکومت نا داوخت آ مخلوق نا ہن و بر آ پابندی خلنگ نا ہچ ءُ ڈٹ اس اف انتئے کہ ہندی حکومت آک داتم اسکان نیم ہلہلہ ئی حالیت نا گام گیج آتا خواست کتنو، ولے مرکزی حکومت شاری تے ویکسین نا مسٹ میکو خور ءِ خلفنگ کن اتنگ نا ڈٹ تخک۔
