میڈرڈ۔ 19 جولائی (اے پی پی) سپین اٹی اسہ ہفتہ ٹی ہیٹ ویوآن 510 بندغ زوال کرینو۔ چینی خبررساں ادارہ نا رداٹ سپین ناوزارت جان جوڑی پارے کہ ملک انا گڑاس بشخ آتیٹی پارہ 45 ڈگری سینٹی گریڈ اسکان سرمننگ آن پد ہیٹ ویوآن اسہ ہفتہ ٹی 510 بندغ زوال کرینو، ہرافتا وئی 65 آن 84 سال اسکان ءِ۔ کارلوس IIIہیلتھ انسٹی ٹیوٹ پارے کہ ہیٹ ویو ہنداوڑ برجاسلیس تو زوال کروک آتیٹی ودکی نا گڑتی ءِ۔ یات سلے کہ سپین اٹی باسنی نا موسم نا دا ارٹ میکو ہیٹ ویو ءِ۔ آئی ایس سی آئی آئی نا رداٹ جون 2021 اٹی ہیٹ ویو آن 829 مرک مس۔
