چین نا کنڈآن زمی جمب نا زہمی تیکن عطیہ کروک آکمکی گڑااوغان ہلال احمر سوسائٹی ءِ دوئی مس

کابل۔ 04 جولائی (اے پی پی) چین نا کنڈآن زمی جمب زہمی تیکن عطیہ کروک آ کمکی گڑا اوغان ہلال احمر سوسائٹی ءِ دوئی مسنے۔ چینی خبررساں ادارہ نا رداٹ چین نا ریڈکراس سوسائٹی نا کنڈآن زمی جمب زہمی تیکن عطیہ کروک آ کمکی گڑا اوغان ہلال احمر سوسائٹی(اے آرسی ایس) ءِ دوئی مسنے، دارداٹ تدوک آ دے اوغانستان نا دارالحکومت کابل اٹی اوغان ہلال احمر سوسائٹی کمپلیکس اٹی دود اس اڈ ہلک ہراٹی اوغانستان اٹی چین نا سفیر وانگ یو و اے آر سی ایس نا صدر مولوی مطیع الحق خالص بشخ ہلکر۔ دا وخت آ چینی سفیر پارے کہ چین اوغانستان تون کمک کننگ و اوغانستان نا شونداری ٹی کڑد ادا کننگ کن تیار ءِ۔ اے آر سی ایس نا صدر پارے کہ اوغانستان و چین نا نیام اٹ دوستانہ تعلقداری ءِ و اودے اومیتءِ کہ چین اقتصادی، سائنسی و طبی بشخ آتیٹی اوغانستان نا کمک ءِ برجاتخک۔ چین اوغانستان اٹی زمی جمب زہمی تیکن ہلہلہ ئی انسانی امدد کن 75لکھ ڈالر تننگ نا قول کرینے۔