پاکستان آن سرکاری و پرائیویٹ اسکیم تا 55 ہزار 700 حاجی  حج مبارک آ سرمسنو، مکہ مکرمہ میڈیا سیل

مکہ مکرمہ۔ 30 جون (اے پی پی) پاکستان آن حج انا فرض ءِ ادا کننگ کن سرکاری وپرائیویٹ اسکیم تا جم وڑاٹ 55 ہزار 700 آن زیات حاجی حج مبارک آ سرمسنو، سرکاری اسکیم نا رداٹ حج آن مست فلائٹ آپریشن 3 جولائی آ پورو کننگک۔ مکہ مکرمہ ٹی جوڑ میڈیا سیل انا رداٹ سرکاری اسکیم نا33 ہزار 250 و پرائیویٹ اسکیم نا 22 ہزار 457 حاجی سعودی عرب آ سرمسنو ہرافتیان 16 ہزار 989 مدینہ منورہ وخت اس کہ 4908 حاجی مکہ مکرمہ ٹی ساڑ ی ءُ۔ سرکاری اسکیم نا رداٹ حاجی تے اتروک آ آخیریکو جہاز 3 جولائی آ جدہ غا سرمریک۔ یات سلے کہ پاکستان آن جم وڑاٹ 82 ہزار آن زیات پاکستانی حج کیرہ۔