اسلام آباد۔ 30 جون (اے پی پی) ڈنمارک اٹی کاریم کروک آ پاکستانی تا زررادہ کننگ اٹ برجامالی سال انا اولیکو 11 تُو اٹی تدوک آ مالی سال انا ہندا مد انا مقابلہ ٹی 2.2 درسد نا کمتی ریکارڈ کننگانے۔ اسٹیٹ بینک انا کنڈآن دا بابت جاری کروک حساب وکتاب نا رداٹ جولائی آن ہلیس مئی 2022 اسکان نا مد اٹی ڈنمارک اٹی کاریم کروک آ پاکستانیک 64.6 ملین ڈالر نا زرمبادلہ مون تسر ہرا تدوک آ مالی سال انا ہند امد انا مقابلہ ٹی 2.2 درسد کم ءُ، تدوک آ مالی سال انا ہند امد اٹی ڈنمارک اٹی کاریم کروک آ پاکستانیک 66 ملین ڈالر نا زرمبادلہ ملک آ مون تسوسر، مئی 2022 اٹی ڈنمارک اٹی کاریم کروک آ پاکستانیک 5.2 ملین ڈالر نا زرمبادلہ ملک آ گدریفیر ہرا اپریل اٹی 7.2 ملین ڈالر و تدوک آ سال مئی ٹی 6.5 ملین ڈالر ئسر۔ اسٹیٹ بینک انا کنڈآن کانودی و بینکنگ ذریعہ اٹ زررادہ کننگ نا است بڈی کن گام گیج آتے ٹی سمندر پار پاکستانی تا زررادہ کننگ اٹ برجامالی سال انا اولیکو 11 تُو اٹی تدوک آ مالی سال انا ہند امد انا مقابلہ ٹی 6.3 درسد نمو ریکارڈ کننگانے۔
