بیجنگ۔ 24 جون (اے پی پی) چین نا وزارت واپار نا ترجمان شوجوے تینگ پارینے کہ اینخو سال جنوری آن مئی اسکان ملک اٹی پیشن نا زرکاری نا مالیت 564.2 بلین یوآن مسنے ہراکہ تدوک آ سال انا ہندا مد انا مقابلہ ٹی 17.3 درسد زیات ءِ۔ درملکی زرکاری ءِ اتنگ اٹ چین نا پدریسہ شونداری ٹی ہچ ءُ بدلی اس بتنے۔ چینی ریڈیو نا رداٹ ترجمان پارے کہ گڑاس گونڈ مدتی مشکل آتون مون تننگ آن پد ہم بھاز انگا ملٹی نیشنل کمپنی داسہ ہم چین اٹی زرکاری نا مریس مدتی گمان تا بارواٹی پراومیت ءُ و زرکاری ٹی ودکی ءِ برجاتخنگ نا خواہندار ءُ۔ ترجمان پارے کہ چین بڑزکو کہول انا اوپن پالیسی ءِ ودفنگ آ سلک، ملک اٹی پیشن نا زرکاری آن چلینگوک آ ادارہ غاتیکن کاروبار ءِآسان کننگک و درملکی زرکاری ءِ سوگو تخنگ کن ہرممکن کوشست کننگک۔ ترجمان نا رداٹ اسہ چینی مارکیٹ اس مچ آ دنیا نا کمپنی تے چین اٹی شونداری نا پین وارخواہی فراوان کیک۔
