اقوام متحدہ۔ 22 جون (اے پی پی) اقوام متحدہ نا سیکرٹری جنرل انتونیوگوتریش دیکی افریقی ملک مالی ٹی عسکریت پسند آتا جلہو آتا مذمت ءِ کرسا 100 بندغ آتا مرک آتیا است ہسونی نا درشانی ءِ کرینے۔ چینی خبررساں ادارہ نا رداٹ سیکرٹری جنرل نا ترجمان سٹیفن ڈوجارک پارے کہ عسکریت پسند آتا بنڈیاگرانا چندی خلق آتیا جلہو آتیٹی 100 آن زیات بندغ زوال کریر و چندی اُرا و دوکان تے خاخر تننگا۔ اوپارے کہ مالی ٹی اقوام متحدہ نا کثیر الجہتی مربوط استحکام مشن (ایم آئی این یو ایس ایم اے) نا کارندہ غاک ہم داواقعہ نا مذمت ءِ کیرہ۔ ترجمان پارے کہ ایم آئی این یو ایس ایم اے مالی نا نیامی علاقہ غاتیٹی سوگوی کن گام گیج برجاتخک و سلامتی کونسل نا مینڈیٹ آ عمل کرسا اقوام متحدہ مشن شاری تا کمک ءِ کننگ و سیکورٹی ءِ سوگو کننگ کن تیار ءِ و مالی نا سلہہ بند فوج اتون خڑکی ہم آہنگی برجاتخک ہراٹی ڈغاری گشت و فضائی جاسوسی اوار مریک۔ اوزہمی بندغ آتا خاہوت تون ہمدردی و ٹھپی تا زوت دراخ جوڑ ی کن نیک است خواہی نا درشانی ءِ کرے۔
