نئی دہلی۔ 16 جون (اے پی پی) بھارت اٹی تدوک آ 24 گھنٹہ ٹی کورونا دین انا 12 ہزار 213 پوسکن ءُ کیس رپورٹ مس اوکان پد مچ آ ملک اٹی کورونا دین انا کیس آتا جم کچ ودسا 43257730 آن گدرینگانے۔ چینی خبررساں ادارہ بھارتی وزارت جان جوڑی نا بابت پارے کہ مچ آ ملک اٹی تدوک آ اِرا تُو اٹی دا اولیکو وار ءِ کہ کورونا نا ہڑدے ئی کیس آتیٹی ودکی مسنے، تازہ سرکاری حساب وکتاب نا رداٹ ملک اٹی کورونا دین انا کچ اٹ ودکی نا کچ کم وود 35 درسد ئسک۔ کمامدارآک پاریر کہ تدوک آ 24 گھنٹہ ٹی کورونا دین آن 11 بندغ زوال کریر اوکان پد مچ آ ملک اٹی زوال کروک آتا جم کچ 5 لکھ 24 ہزار 803 مسنے وخت اس کہ ملک اٹی کورونا فعال کیس آتا جم کچ 58 ہزار 215 ء۔ اوپارے کہ کورونا دین آن داتم اسکان 42674712 بندغ دراخ جوڑ مسنو ہرافتے ملک انا چندی ہسپتال آتیان کشنگانے۔
