واشنگٹن۔14جون (اے پی پی):امریکا ءَ پاکستان ءِ سفیر مسعود خان ءَ گوشت کہ پاکستان ءُ امریکا دیمپانی ءَ ھوار توامیں شوبگ آنی تہءَ وت مہ وتی کمکی آناں گیش مھکم کنگ ءِ واستہ کار کنگ ءَ اَنت۔ اے گپ آئی ءَ پاکستا ن ءِ نیشنل ڈیفنس یونیورسٹی این ڈی یو ءِ 15 باسکی ڈل کہ اے وھد ءَ امریکا ءِ یک ھپتگی تر ءُ تاب ءَ انت بریفنگ ءِ ساھت ءَ تران کنان ءَ کت۔ این ڈی یو ءِ ڈل ءَ پاکستان ءِ سلاھ بندیں ارد ءُ سول سروسز ءِ کلانہ ایں اپسرگ، بنگلہ دیشن ، سری لنکا ءُ سعودی عرب ءِ اپسرگ ھوار اتنت۔ این ڈی یو ءِ ڈل ءَ گوستگیں روچ ءَ واشنگٹن ءَ پاکستانی سفارتخانہ ءِ تر ءُ تاب کت۔ پاکستانی سفیر مسعود خان ءَ گوشت کہ ملٹری ءُ سیکورٹی کمک آناں دیمروئی دیان ءَ تجارت، سرمایہ کاری، ایٹماسپیئر ، جان سلامتی، ھاٹیگ ءُ وانگ ءُ زانگ ءِ شوبگ ءَ ھم کمک آناں دیمروئی دیگ ءَ را ھم کچیں ارزشت دیگ بوھگ ءَ انت۔
