کابل۔ 01 جون (اے پی پی) اوغانستان ءِ انسانی ہمدردی نا بنداو تیا پین 32 ملین امریکی ڈالر نانغد امداد فراوان کننگانے۔ درملکی خبررساں ادارہ نا رداٹ مرکزی اوغان بینک (ڈی اے بی ) تینا بیان اٹی پارے کہ ملک ءِ جہانی برادری نا کنڈآن سے شنبے نادے آ انسانی ہمدردی نا بنداو تیا 32 ملین امریکی ڈالر نا پوسکن آ نغد امدا ددوئی مسنے۔ دا نغد امداد کمرشل بینک ءِ گدریفنگانے۔ بیان اٹی جہانی برادری نا کنڈآن تروک آ پوسکن آ امداد آ منت واری ءِ ہرفسا پاننگانے کہ بینکنگ سیکٹر نا کمک اٹ امداد نا فراوانی شفافیت ءِ پک کیک، ہراڑآن الس اسکان امداد سرکننگ آسان مریک۔ نغد امداد نا دا بیچ آن مست، اوغان مرکزی بینک ءِ دوشنبے نادے ہم 32 ملین امریکی ڈالر نا امداد دوئی مسوسس۔
