کابل۔ 23 مئی (اے پی پی) اوغانستان اٹی پولیو تور مہم بناکرینے ہراٹی 5 سال اسکان نا وئی نا 99 لکھ چناتے پولیو آن بچفنگ نا پڑی کنفنگ نا ہدف ءِ مقرر کننگانے۔ اوغانستان نا وزارت جان جوڑی دوشنبے نادے آ اسہ بیان اسے ٹی پارے کہ اوغان عبوری حکومت دوشنبے نادے آ مچ آ ملک اٹی اینخو سال اٹی چارمیکو پولیو تور مہم نا بناءِ کرے ہراڑکن 5 سال اسکان نا وئی نا 99 لکھ چناتے پولیو آن بچفنگ نا پڑی کنفنگ نا ہدف مقرر ءِ وخت اس کہ مہم اٹی 6 تُو آن 5 سال اسکان نا وئی نا چناتے وٹامن اے انا پڑی ہم کنفنگک۔ بیان اٹی پاننگاکہ دامہم اقوام متحدہ نا اداریہ اطفال (یونیسیف) و جہانی ادارہ جان جوڑی (ڈبلیو ایچ او) نا کمک اٹ بناکننگانے۔ یات سلے کہ اوغانستان اٹی اینخو سال اٹی داتم اسکان اولیکو پولیو کیس مون آ بسنے۔
