اسلام آباد۔ 28 اپریل (اے پی پی) فرانس اٹی کاریم کروک آ پاکستانی تا زررادہ کننگ اٹ بر جا مالی سال انا اولیکو 9 تُو اٹی تدوک آ مالی سال انا ہندا مد انا مقابلہ ٹی 20.5 درسد نا نمو ریکارڈ کننگانے۔ اسٹیٹ بینک انا کنڈآن دا بابت جاری کروک حساب وکتاب نا رداٹ برجامالی سال انا اولیکو 9 تُواٹی فرانس اٹی کاریم کروک آ پاکستانیک 367.9 ملین ڈالر نا زرمبادلہ ملک آ گدریفیر ہرا تدوک آ مالی سال انا ہند امد انا مقابلہ ٹی 20.5 درسد زیات ءُ، تدوک آ مالی سال انا ہندا مد اٹی فرانس اٹی کاریم کروک آ پاکستانیک 305.3 ملین ڈالر نا زرمبادلہ ملک آ گدریفیسر۔ مارچ اٹی فرانس آن زررادہ کننگ نا کچ 40.5 ملین ڈالر ریکارڈ کننگا ہرا فروری ٹی 34.7 ملین ڈالر و تدوک آ سال مارچ اٹی 38.3 ملین ڈالر ئسر۔ اسٹیٹ بینک انا کنڈآن کانودی و بینکنگ ذریعہ اٹ زررادہ کننگ نا است بڈی کن گام گیج آتیٹی سمندر آن ایپار پاکستانی تا زررادہ کننگ اٹ برجامالی سال انا اولیکو 9 تُو اٹی تدوک آ مالی سال انا ہند امد انا مقابلہ ٹی 7.1 درسد نا نمو ریکارڈ کننگانے۔
