کابل۔ 18 اپریل (اے پی پی) اوغان طالبان نا ترجمان سہیل شاہین اوغانستان کن فرانس نا سفیر جیان مرین شو اتون قطر انا دارالحکومت دوحہ ٹی اوڑدہی کرے۔ اوڑدہی ٹی ہڑتوم آ کنڈآتا تعلقداری، اوغانستان نا حالیت آتیا گپ وتران کرے۔ سہیل شاہین تینا ٹویٹ اٹی پارے کہ داوخت آ دوحہ ٹی رہینگوک فرانسیسی سفیر تون مروک آ اوڑدہی ٹی تعلیم، اوغان حکومت نا کنڈآن منشیات نا دسنگ آساڑی آ پابندی، بزغرآتیکن گیگ بدل ڈٹ آتون اوار چندی امور آ گپ وتران کننگا۔ اوپارے کہ اوڑدہی ٹی ہڑتوم آ ملک آتا اسہ ایلو تون رابطہ ٹی رہینگ انگ و گپ وتران ءِ برجاتخنگ آ امنا کننگا۔

متعلقہ مضامینمصنف کی طرف سے مزید