بیجنگ۔ 12 اپریل (اے پی پی) چین شہباز شریف ءِ پاکستان نا وزیراعظم گچین مننگ آ مبارکبادی تسنے۔ چینی خبررساں ادارہ نا رداٹ وزارت خارجہ نا ترجمان ژاؤ الیجیان شہباز شریف ءِ پاکستان نا وزیراعظم گچین مننگ آ مبارکبادی ترسا چین پاکستان تعلقداری تے پین سوگو کننگ نا گمان ظاہر کرے۔ اوپارے کہ چین و پاکستان ہروڑنا حالیت آتیٹی کمکاری نا تزویراتی شریدار ءُ و ہڑتوم آ ملک آتا نیام اٹ اسُل چٹپروک آ تعلقداری ءِ۔ اومستی پارے کہ چین دا پوسکن آ دور اٹی تینا روایتی سنگتی ءِ برجاتخنگ، ہمہ جہت کمکاری ءِ کڑمب کننگ، اسیجائی وڑاٹ بڑزکو آب اتون چین پاکستان اقتصادی راہداری نا تفنگ و اسیجائی آخبت اتون اسہ پین ہم خڑکی چین پاکستان کمیونٹی نا تفنگ کن پاکستانی فریق اسے تون کاریم کننگ نا چاری ءِ۔
