کابل۔ 11 اپریل (اے پی پی) اوغان حکومت پارینے کہ روس اٹی اوغان سفارت خانہ ٹی سفیر نا تعیناتی آن ہڑتوم آ ملک آتا سفارتی تعلقداری سوگو مریک ۔ اوغان میڈیا نا رداٹ اوغانستان نا ترجمان انعام اللہ سمنگانی پارے کہ روس ماسکو ٹی اوغانستان نا سفارت خانہ امارات اسلامی اوغانستان نا پندار سفیر نا حوالہ کرینے ہراڑآ نن روس انا منت واراُن و اومیت کینہ کہ او تینا ملک اٹ ننا سفارتکار آتے قونصلر خذمت فراوان کیک ۔ کمامدارآتارداٹ اوغانستان چین، ایران، پاکستان و گڑاس خلیجی و افریقی ملک آتیٹی سفارتی مشن نا بناءِ کرینے۔ یات سلے کہ اوغانستان 10 آن زیات ملک آتیٹی سفارتی دفترآتے ملانے ولے اسہ ملک اس ہم اوغانستان نا حکومت ءِ باضابطہ وڑاٹ امنا کتنے۔
