کابل۔ 06اپریل (اے پی پی) اوغانستان ءِ انسانی ہمدردی نا بنداو آ جہانی برادری نا کنڈآن پین 32 ملین ڈالر نانغد امداد دوئی مسنے۔ چینی خبررساں ادارہ نا رداٹ اوغانستان نا عبوری حکومت چارشنبے نادے آ اسہ بیان اسے ٹی پارے کہ ملک انا قومی بینک دا اوغانستان بینک نا عہدیدار آک پاریر کہ تدوک آ دے اوغانستان ءِ 32 ملین ڈالرنا 20 می کمکی پیکج ملانے ہرا اوغانستان انٹرنیشنل بینک ءِ فراوان کننگانے۔ بیان اٹی جہانی برادری نا کنڈآن انسانی امداد نا ستاءِ کرسا اوغانستان اٹی انسانی ہمدردی نا بشخ اٹی پین کمکاری نا خواست کرینے۔ کمکی تنظیم تا رپورٹ آتا رداٹ ملک انا کم وو د 35 ملین آبادی آن 22 ملین آن زیات اوغان باتی تے خور انا سخت کاختی مون تروک ءِ و جنگ زدہ ملک ءِ امداد ملپننگ نا دروشم اٹ انسانی بھسکاری تون مون تروئی تمک۔
