اقوام متحدہ۔ 06 اپریل (اے پی پی) پاکستان اقوام متحدہ نا تخفیف سلہہ کمیشن ءِ پارینے کہ کشمیر آ اقوام متحدہ نا سلامتی یکونسل نا قرارداد آتا بھارت نا کنڈآن خلاف ورزی و سلہہ غاتا کچ اٹی ودکی آن علاقائی و جہانی امن ءِ خطرہ مون تروک ءِ و زور شاغانے کہ جہانی برادری بھات نا رزاک اٹ جہانی کانودی حیثیت نا خلاف ورزی ءِ تورے۔ اقوام متحدہ ٹی پاکستان نا آخبتی مندوب منیر اکرم سلہہ غاتا چٹفنگ نا بابت اقوام متحدہ نا جنرل اسمبلی نا رداٹ کاریم کروک آ تخفیف سلہہ کمیشن آن تران اٹی پارے کہ سلامتی کونسل نا قرارداد آتیا عملدرآمد اٹی بے سہبی آن نیوکلیئر ائزڈ سویلی ایشیا و دنیا ٹی امن و سلامتی ءِ خطرہ مون تروک ءِ۔ اوکمیشن نا چکار ءِ 9 مارچ آ بھارت نا کنڈآن پاکستان نا گل زمین اٹ سپر سونک جوہری لائخی نا حامل میزائل نا ’’حادثاتی فائر نا کنڈآہم کرفسا پارے کہ دا غلطی اٹ بھارت نا تینا اسٹریٹجک میرات آتے سنبھالنگ نا لائخی ٹی بھلا خامی تا علم مریک۔ پاکستانی مندوب پارے کہ سویلی ایشا نا امن ءِ خطرہ بھارت نا غیر کانودی کوزہ ٹی جموں و کشمیر اٹی کشمیری تیا بھارت نا وحشیانہ جور، پاکستان نا برخلاف جارحانہ انداز، اونا روایتی و سٹریٹجک سلہہ غاتا بے لغام کوڑی ہرا زیات تر پاکستان نا برخلاف تعینات ءُ آن ودی مسنے ہنداخاطرآن نن اسہ وار ولدا جہانی برادری آ زور شاغنہ کہ او سویلی ایشیا ٹی امن و سلامتی ءِ لاحق خطرہ ءِ گوجالپ۔ بھارت جموں وکشمیر اٹی انسانی حق انا بھلو کچ اسے آ خلاف ورزی، کشمیر اٹی مسلم گیشتری ءِ اقلیت اٹ بدل کننگ کن ہندو تے آباد کننگ نا تینا کوشست آتے بند کے و اودے سلامتی کونسل نا قرارداد آتیا عمل درآمدکروئی مرے ہراٹی جموں وکشمیر نا الس ءِ تینا سیاسی تقدیر نا تینٹ فیصلہ ءِ کننگ نا قابل کننگ کن استصواب رائے نا پرمان کننگانے۔
