کوالالمپور۔ 30 مارچ (اے پی پی) ملائیشیا ٹی 24 گھنٹہ ٹی کورونا دین انا 15 ہزار 215 پوسکن ءُ کیس رپورٹ مسنے اوکان پد کورونا دین آن زہمی بندغ آتا جم کچ 4167418 آن گدرینگانے۔ چینی خبررساں ادارہ ملائیشیا نا وزارت جان جوڑی نا حساب وکتاب نا بابت پارے کہ مچ آ ملک اٹی تدوک آ 24 گھنٹہ ٹی کورونا دین آن 64 پوسکن ءُ مرک ریکارڈ مسنے اوکان پد مچ آ ملک اٹی مرک آتا جم کچ 34 ہزار 906 اسکان سرمسنے۔ وزارت پارے کہ کورونا دین آن دراخ جوڑ مروک آ بندغ آتا جم کچ 3920643 مس ہرافتے چندی ہسپتال آتیان کشنگانے، ملک اٹی فعال کیس آتا کل کچ 211869 ءِ۔ کمامدارآک پاریر کہ ملک اٹی تدوک آ 24 گھنٹہ ٹی کورونا ویکسین نا 47608 خور تننگا، داتم اسکان 84.2 درسد آبادی ءِ کورونا ویکسین نا اسہ خور و 79 درسد آبادی ءِ کورونا ویکسین نا ہڑتوم آ خورآتے تننگا نے وخت اس کہ 48.1 درسد آبادی ءِ بوسٹر خور ہم فراوان کننگانے۔
