نیوزی لینڈ اٹی تدوک آ 24گھنٹہ ٹی کورونا دین آن زہمی 20،989 پوسکن ءُ کیس رپورٹ

ویلنگٹن۔ 11 مارچ (اے پی پی) نیوزی لینڈ نا وزارت جان جوڑی پارینے کہ تدوک آ 24 گھنٹہ ٹی مچ آ ملک آن کورونا دین آن زہمی 20 ہزار 989 پوسکن ءُ کیس رپورٹ مسنے اوکان پد ملک اٹی دین آن زہمی کیس آتا جم کچ 327،925 اسکان سرمسنے۔ درملکی خبررساں ادارہ نیوزی لینڈ انا وزارت جان جوڑی نا بابت پارے کہ 24 گھنٹہ ٹی ملک انا غٹ آن بھلا شار آکلینڈ اٹی کورونا دین آن زہمی کل 7،240 کیس رپورٹ مسنے و داوخت آ مچ آ ملک انا ہسپتال آتے ٹی 856 ناجوڑ درمان مننگ ءُ ہرافتیان 20 بھاز نگہداشت آتا یونٹ آتیٹی ءُ۔ رپورٹ نا رداٹ نیوزی لینڈ اِرا سال آن پد کورونا دین سیمی پابندی تے چٹفسا ہندا ہفتہ غا باضابطہ وڑاٹ تینا سیم تے دُوار ہ ملاسس ۔ نیوزی لینڈ تینا کورونا دین پروٹیکشن فریم ورک نا رداٹ بڑزکو انگا ریڈ سیٹنگ آٹی ءِ۔ ریڈ سیٹنگ اٹ تہہ نا چاگڑد اٹی مون انا ماسک المی مریک و مچی 100 بندغ اسکان کچ اٹ مریک۔