اقوام متحدہ۔ 10 مارچ (اے پی پی) پاکستان پارینے کہ اقوام متحدہ نا جنرل اسمبلی نا احیاجہانی امن و پائیدار شونداری کن بنداوی اہمیت تخک ، داادارہ ءِ زیات گچین و جہانی چیلنج ہرافتے ٹی جہانی پالیسی سز ادارہ ءِ زہمی کروک آہم چیلنج ہم اوار ءِ کن جوابدہ کننگ کن فعال نقطہ نظر اس تینا کننگ نا گرج ءِ کہ دا کثیر الجہتی نا نچوڑ ءِ۔ اقوام متحدہ ٹی پاکستان نا نائب آخبتی نمائند عامر خان اقوام متحدہ نا جنرل اسمبلی نا کاریم ءِ زیات گچین کننگ آ شرہ ٹی پارے کہ اونا طاقت بریبر و ناقابل تقسیم سلامتی و پائیدار شونداری نا بنداو آ جہانی امن ءِ مون آ دننگ نا کلیدءِ و دا چرجوئی ٹی اقوام متحدہ نا اہم ادارہ خاص وڑاٹ جنرل اسمبلی و سلامتی کونسل نا نیام اٹ زیات آن زیات صف بندی، معلومداری تاہل و تس و ہم گرنچی ءِ مون آ دننگ نا گرج ءِ۔ اوپارے کہ اقوام متحدہ نا چارٹر نا دفعہ غاتا رداٹ ہڑتوم آ ادارہ غاتے جتا جتا ولے اہم کڑد اس ایتک، جنرل اسمبلی سلامتی کونسل ءِ جہانی گڑتی نا ہرویل آ سرحال آ مبنی خصوصی رپورٹ فراوان کننگ کن مدعو کننگ کیک۔ دارپورٹ آک سلامتی کونسل نا کاریم نا قابل قدر جاچ و بصیرت اس فراوان کننگ کیک۔ پاکستان نانائب آخبتی نمائندہ عامر خان پارے کہ نن دا پروویژن ءِ زیات آن زیات کاریم اٹ اتین، خاص وڑاٹ ہمووخت آ ہراتم سلامتی کونسل چارٹر نا بابت ہفتم نا رداٹ نفاذ کن فیصلہ اس ہلیک۔
