کابل۔ 02 مارچ (اے پی پی) اوغان حکومت کانودی دستاویز تخوک آ اوغان شاری تے پیشن نا ملک سفر کننگ نا موکل تسنے۔ اوغان حکومت دا گام ءِ اوغان شاری تے مشکل آتیان بچفنگ کن بیدس سوب اسے آن ملک ءِ ہلنگ و غیرکانودی وڑاٹ پیشن نا ملک آ ہِننگ آ پابندی خلنگ نا فیصلہ غا ہندی و جہانی کہول آ تنقید آن پد ہرفینے۔ اوغان میڈیا نا رداٹ طالبان نا ترجمان ذبیح اللہ مجاہد تدوک آ دے تینا اسہ ٹویٹ اسے ٹی پارے کہ ہمو اوغان شاری ہرافتے تون کانودی دستاویز سپانسر ویزہ ءِ او پیشن نا ملک آتیا ہِننگ کیرہ و بیدس مشکل و اڑاند و پبی پت اتون پدی تینا ملک آ بننگ کیرہ۔ اوپارے کہ پیشن نا ملک آتا سفرآ پابندی تا تدوک آ پڑو اوغان شاری تا بیدس کانودی دستاویز و اسمگلر آتون سفر کننگ آ گڑتی نا سوب کننگاسس۔ اوغانستان اٹی برطانوی مشن نا ناظم الامور ہوگوشارٹر طالبان ترجمان نا اوغان شاری تا کانودی دستاویز آتون پیشن نا ملک آتا سفر کننگ نا بابت پوسکن آ پڑو نا ستا ءِ کرینے۔
