بیجنگ۔ 21 فروری (اے پی پی) چین اٹی پاکستان نا سفیر معین الحق بیجنگ ونٹر اولمپکس نا شاندار، عظیم الشان و سرسہب اڈتننگ آ چین ءِ مبارکبادی تسنے و پارینے کہ بیجنگ ونٹر اولمپکس ءِ اڈتر سا دنیا ءِ ہم گرنچی و یکجہتی ٹی یکجاکرے۔ اوبیجنگ ونٹر اولمپکس نا ایسری دود آن پد تینا ٹویٹ اٹی پارے کہ نن چین ءِ سرسہب گوازی تا اڈتننگ آمبارکبادی ایتنہ ہراٹی دنیا ءِ ہم گرنچی و یکجہتی ٹی یکجا کننگا ہرا بھاز شاندار و عظیم الشان ءِ۔ اوپاکستانی ایتھلیٹ نا کارکڑد نا بابت پارینے کہ پاکستانی ایتھلیٹ محمد کریم بیجنگ ونٹر اولمپکس اٹ دُن تو ہچ ءُ میڈل اس کٹتنے ولے او لکھ آ چینی مخلوق نا است ءِ کٹانے۔ اوپارے کہ داٹی اوڑکن غٹ آن پرجوش و سنہری وخت ہمووخت ئس ہراتم او اسٹیڈیم آ ہنا و مچ آ اسٹیڈیم اودے خاص وڑاٹ بخیر کرے، بھاز منت وار چین۔ پاکستانی ایتھلیٹ سنگتی و خیرخواہی نا میڈل آتے کٹسا ہِننگ ءِ۔
