کابل۔ 13فروری (اے پی پی):اوگان شہر انی امریکا ء نیمگ ءَ فریز کتگیں وتی مڈی آنی سئے ارب ڈالر ء زر آناں نائن الیون ء آماچیں مردم آناں دیگ ءِ امریکی صدر ءِ حکم ءِ مذمت کتگ۔ جاک کنوک آں گوشتگ کہ اے مڈی اوگان راج ایگ انت۔ امریکہ ھال رسانکی ادارگ ایسوسی ایٹڈ پریس ءِ رد ءَ جاک کنوک آں کابل ءِ مزنیں ائید نماز جاہ ء ڈن ءَ امریکا ءَ گوں لوٹ کتگ کہ اوگان آنی مالی کمک کنگ بہ بیت، ادا گوستگیں بیست سال ءَ چہ بازیں مردم بیران بوتگ۔ اوگانستان ء پیسریگں حکومت ءِ مالی کار آنی مشیر طارق فرہادی ءَ اوگان سینٹرل بینک ءِ مڈی یونائیٹڈ نیشن ء چیر دست بوھگ ءِ پد ءَ بُکگ جتگ۔
