کابل۔ 08 فروری (اے پی پی) ترک مال بردار ٹرین 750 ٹن کمکی گڑاتے ہرفسا اوغانستان آ سرمسنے۔ چینی خبررساں ادارہ اوغان ہلال احمر سوسائٹی نا سے شنبے نادے آ جاری ٹویٹ نا بابت پارے کہ ترک ہلال احمر سوسائٹی نا کنڈآن اوغان ریڈ کریسنٹ سوسائٹی(اے آر سی ایس) ءِ 750 ٹن انسانی امداد نا اولیکو ٹرین دیکی صوبہ ہرات اٹی تورغنڈی نا ڈرائی پورٹ آ سرمسنے۔ داوخت آ اے آرسی ایس نا قائم مقام ڈپٹی ڈائریکٹر ملانورالدین ترابی، اوغانستان اٹی ترکی نا سفیر جہادار گین و ایلو کمامدار آک ساڑی ئسر۔ خور، پچ، کمبل و جان جوڑی نا خیالداری نا گڑاتا 47 بوگی تیا تالان دا ٹرین 27 جنوری آ ترکی نا دارالحکومت انقرہ آن اوغانستان کن روانہ مس و ایران و ترکمانستان نا کسر اوغانستان آ سرمس۔
