ریاض۔30جنوری (اے پی پی):سعودی عرب ءِ شاہ سلمان کمکی بنجاہ ءِ نیمگ ءَ اوگانستان ءِ ضلورت مندیں ھاندان آنی واستہ 9 ٹن 900 کلو گرام وزن ءِ کمکی سامان بھر ءُ بانگ کتگ۔ عرب شنگ کاری ادارگ ءِ رد ءَ شاہ سلمان کمکی بنجاہ ءِ ترجمان ءَ میڈیا ءَ را گوشتگ کہ کابل ءَ ضلورت مندیں مردم آناں بھر ءُ بانگ کتگیں وردنی پیکٹس آنی تہ ءَ 300 آرت ءِ گونی ءُ ایندگر دان ءُ ڈال ءَ ابید 150 کمبل ءُ سردی ءِ واستہ کارمرز بوھوکیں جتاجتائیں سامان آنی 150 پیکیٹس بھر ءُ بانگ کتگ انت۔ آءی ءَ گوشت کہ اردن ءِ بازیں دمگ آنی تہ ءَ شامی ءُ فلسطینی پناہ گاہ آنی 3640 ھاندان آناں کمکی سامان آنی پیکیٹس بھر ءُ بانگ کنگ بوتگ ایشانی تہ ءَ 7 ہزار 280 کمبل ءُ گرمیں گُد ھواراتنت۔
