کابل۔ 28 جنوری (اے پی پی) اوغانستان و ترکمانستان پاور لائن پروجیکٹ آ دستخط کرینو۔ چینی خبررساں ادارہ نا رداٹ اوغانستان ترکمانستان تون ملک انا دیکی بشخ اٹی فعال مروک آ نور الجہاد سب اسٹیشن نا پاور لائن ڈٹ آ اسہ معاہدہ غا دستخط کرینے۔ ملک ءِ بجلی نا مین سپلائی فراوان کروک آ کمپنی اسہ بیان اسے ٹی پارے کہ ڈی اے بی ایس نا کمامدار و ترکمانستان نا ڈل انا باسک آک و ترک کالک اینرجی کمپنی نا نمائندہ غاتا نیام اٹ کابل اٹ مروک آ چار دے ئی گپ وتران آن پد نورالجہاد سب اسٹیشن ءِ بجلی ءِ 110 کے وی آن 220 کے وی اسکان ودفنگ نا معاہدہ طے مسنے۔ کمپنی نا رداٹ دا ڈٹ اٹی 110 کے وی آن 220 کے وی نا ڈبل سرکٹ پاور ٹرانسمیشن لائن اوار ءِ۔ یات سلے کہ اوغانستان ءِ بجلی نا کاختی مون تروک ءِ۔
