ریاض۔26جنوری  (اے پی پی):سعودی ولی عہد شہزادہ محمد بن سلمان ءَ گوں تھائی لینڈ ءِ مزن وزیر ء ُ دیمپانی ءِ وزیر جنرل برایوت چن اوچا ءَ گندءُنندکتگ۔ سعودی حال رسانکی ادارگ ءِ ردءَ ریاض ءَ بوتگیں گندء ُندنءَ دوئیں راہشوناں دونیمگی ھدوناکی ءِ پائدگ ء ُ ایندگہ بازیں  جیڑہ آنی سرءَ ھیال ء ُ لیکہ ءِ درشانی کتگ۔اے موہ ءَ ملکی وزیر  ء ُ کابینہ ءِ شہزادہ ترکی بن محمد بن فہد ، وزیر داخلہ  شہزادہ عبدالعزیز بن سعود، وزیر نیشنل گارڈز شہزادہ عبداللہ بن بندر، دری کارانی وزیر  شہزادہ فیصل بن فرحان،ملکی وزیر ء ُ کابینہ ءِ باسک ء ُ راجی سلامتی ءِ صلاہ کار ڈاکٹر مساعد العیبان، بیپاری ءِ وزیر ء ُ حال ءُ اھیوال کاری ء ُ شنکگاری ءِ قائم مقام  وزیر ڈاکٹر ماجد القصبی ءُ  وزیر افرادی قوت وسماجی بہبود انجنیئر احمد الراجحی پہ کمک ءِ ھاترءَ ساڑی بوتگ۔ تھائی لینڈ ءِ نیمگ ءَ چہ نائب مزن وزیر ء ُ دری کارانی وزیر ، نائب مزن وزیر ء ُ وتوانائی ء ِ وزیر، وزیر محنت ءُ ملک ءِ تہا تھائی لینڈ ءِ ناظم ءَ وتی مزن وزیر ءِ کمک کتگ۔

متعلقہ مضامینمصنف کی طرف سے مزید