کابل۔ 25 جنوری (اے پی پی) اوغانستان نا چیف آف اسٹاف مولوی احمد جان احمدی ملک اکن اقوام متحدہ نا کمکی مشن (یواین اے ایم اے) نا بشخ کانود نا حکمرانی نا سروک مونیکا مارٹینز تون کابل اٹی اوڑدہی کرے و ملک اٹی کانود نا نفاذ و وڈی خوری نا برخلاف جنگ انا بابت گپ وتران کرے۔ چینی خبررساں ادارہ اوغان حکومت نا سے شنبے نادے آ جاری بیان نا بابت پارے کہ اوڑدہی ٹی اوغانستان نا چیف آف اسٹاف مولوی احمد جان احمدی پارے کہ کانود نا نفاذ و وڈی خوری نا چٹفنگ امارات اسلامیہ نا اہم انگا زمواری تیٹی اوار ءِ۔ داوخت آ مونیکا مارٹینز پارے کہ اوغانستان نا حالیت آک بدل مسنو و جہانی ادارہ ہُننگ خواہک کہ اوغانستان اقوام متحدہ غان انت اومیت تخک۔
