ریاض۔ 21 جنوری (اے پی پی) سعودی عرب نا ولی عہد شہزاد ہ محمد بن سلمان تون روس انا خصوصی مندوب الیگزینڈر لافر نتیف اوڑدہی کرے ہراٹی شام انا تازہ انگا حالیت آتیا گپ وتران کننگانے۔ سعودی میڈیا نا رداٹ شہزادہ محمد بن سلمان و روسی مندوب شام اٹی مروک آ تازہ انگا پیش رفت آن بیدس ہڑتوم آ ملک آتا نیام اٹ ہڑتوم آ کنڈآتا تعلقداری آ گپ وتران کریر۔ اوڑدہی ٹی سعودی وزیر مملکت، کابینہ نا باسک و قومی سلامتی نا سلاہکار ڈاکٹر مساعد بن محمد العیبان و چیف آف جنرل انٹیلی جنس خالد بن علی الحمیدان ئسک ہم ساڑی ئسر۔ روس انا کنڈآن وزیرخارجہ نا مندوب و دے ٹک نیامی و قطبی افریقہ نا امور نا ڈائریکٹر سفیر الیگزینڈر کنشک ہم اوڑدہی ٹی بشخ ہلک۔

متعلقہ مضامینمصنف کی طرف سے مزید