اسلام آباد۔ 19 جنوری (اے پی پی) سپریم کورٹ دُزی مروک گاڈی تا ہلنگ و بہاکننگ نا ڈوہ اٹی دزگیر دوبہ دار مرتضیٰ حسن نا ضمانت نا بابت دائر درخواست ءِ پدی ہلنگ نا بنداو آ خارج کرسا ٹرائل کورٹ ءِ مسہ تُو اٹی مقدمہ نا فیصلہ ءِ کننگ نا پرمان کرے۔ چارشنبےنادے آ جسٹس عمر عطابندیال نا کماشی ٹی مسہ باسکی بنچ دُزی مروک گاڈی تا ہلنگ و بہاکننگ نا دوبہ دار مرتضیٰ حسن نا ضمانت نا بابت دائر درخواست آ سماعت کرے۔ سماعت اٹی ایڈووکیٹ جنرل پنجاب دلیل ترسا موقف تینا کرے کہ دوبہ دار نا برخلاف دُزی مروک گاڈی تا ہلنگ و بہاکننگ نا 4 مقدمہ درج ءُ۔ داوخت دوبہ دار نا وکیل دلیل ترسا موقف تینا کرے کہ اونا موکل شریف دوبہ دار ءِ وخت اس کہ مرکزی دوبہ دار نا ضمانت مسنے۔ اوپارے کہ اونا موکل 4 تُو آن زندان اٹی ءِ و داسکان اونا چالان ہم جمع متنے۔ عدالت درخواست ضمانت ءِ پدی ہلنگ نا بنداو آ خارج کرسا ٹرائل کورٹ ءِ مسہ تُواٹی مقدمہ نا فیصلہ کننگ نا پرمان کرے۔
