اسلام آباد۔ 17 جنوری (اے پی پی) امریکہ ٹی کاریم کروک آ پاکستانی تا زررادہ کننگ اٹ برجامالی سال انا اولیکو ششماہی ٹی تدوک آ مالی سال انا مقابلہ ٹی 24 درسد نا نمو ریکارڈ کننگانے۔ پاکستان بیورو شماریات نا حساب وکتاب نا رداٹ برجامالی سال نا اولیکو ششماہی ٹی امریکہ ٹی کاریم کروک آ پاکستانیک 1.493 ارب ڈالر نا زرمبادلہ ملک آ گدریفیر ہراتدوک آ مالی سال انا ہند امد انا مقابلہ ٹی 24 درسد زیات ءُ۔ تدوک آ مالی سال انا ہند امد اٹی امریکہ ٹی کاریم کروک آ پاکستانیک 1.204 ارب ڈالر نا زرمبادلہ ملک آ گدریفیسر۔ دسمبر 2021اٹی امریکہ ٹی کاریم کروک آ پاکستانیک 248.5 ملین ڈالر نا زرمبادلہ ملک آ گدریفیر ہرا دسمبر 2020نا ہند امد انا مقابلہ ٹی 22.23 درسد زیات ءُ۔ دسمبر 2020اٹی امریکہ ٹی کاریم کروک آپاکستانیک 203.3 ملین ڈالر نا زرمبادلہ ملک آ گدریفیسر۔ یات سلے کہ برجامالی سال انا اولیکو ششماہی ٹی سمندرپار پاکستانی تا زررادہ کننگ اٹ جم وڑاٹ 11.3 درسد نا نمو ریکارڈ کننگانے۔