انقرہ۔ 14 جنوری (اے پی پی) ترک وزارت جان جوڑی پارینے کہ 24 گھنٹہ ٹی مچ آ ملک آن کورونا دین آن زہمی 75 ہزار 564 پوسکن ءُ کیس رپورٹ مسنے اوکان پد ملک اٹی دین آن زہمی کیس آتا جم کچ 10،271،240 اسکان سرمسنے۔ وزارت نا پاننگ ءِ کہ 24 گھنٹہ ٹی دین آن 153 مرک مسنے اوکان پد ملک اٹی دین آن مرک آتا جم کچ 84 ہزار 278 مسنے وکت اس کہ ہندا وخت آ 51 ہزار 675 بندغ دراخ جوڑ مسنو۔ وزارت پارے کہ 24 گھنٹہ ٹی مچ آ ملک اٹی کورونا دین انا کل 4 لکھ 10 ہزار 116 ٹیسٹ کننگانے۔ رپورٹ نا رداٹ ترکی کمامدارآتا کنڈآن چینی نا تیار کروک سائینو ویک ویکسین نا ہلہلہ ئی کاریم اٹ اتنگ نا موکل ملنگ آن پد 14 جنوری 2021آن بھلو کچ اسے آ کورونا ویکسین مہم نا بناءِ کننگاسس اوکان پد آن داتم اسکان 57 ملین بندغ کورونا ویکسین نا اولیکو خور و 52 ملین بندغ ویکسین نا ارٹ میکو خور ءِ ہلکونو۔ ترکی داتم اسکان بوسٹر ڈوزاتون اوار 138.32 ملین خور تسنے۔
