اسلام آباد۔ 13 جنوری (اے پی پی) آسٹریلیا ٹی کاریم کروک آ پاکستانی تا زررادہ کننگ اٹ برجامالی سال اٹی تدوک آ مالی سال انا مقابلہ ٹی 32.5 درسد نا نمو ریکارڈ کننگانے۔ اسٹیٹ بینک انا کنڈآن دا بابت جاری کروک حساب وکتاب نا رداٹ برجامالی سال انا اولیکو 5 تُو اٹی آسٹریلیا ٹی کاریم کروک آ پاکستانیک 308.1 ملین ڈالر نا زرمبادلہ ملک آ گدریفیر ہرا تدوک آ مالی سال انا ہند امد انا مقابلہ ٹی 32.5 درسد زیات ءُ، تدوک آ مالی سال نا ہندا مداٹی آسٹریلیا ٹی کاریم کروک آ پاکستانیک 232.4 ملین ڈالر نا زرمبادلہ ملک آ گدریفیسر۔ نومبر 2021 اٹی آسٹریلیا ٹی کاریم کروک آ پاکستانیک 51.6ملین ڈالر نا زرمبادلہ ملک آ گدریفیر، نومبر 2020اٹی آسٹریلیا ٹی کاریم کروک آ پاکستانیک 48 ملین ڈالر نا زرمبادلہ ملک آ گدریفیسر۔ ساڑی حکومت نا کنڈآن کانودی و بینکنگ ذریعہ اٹ زررادہ کننگ نا است بڈی کن آسراتی ، ترغیب و گام گیج آتیٹی سمندر پار پاکستانی تا زررادہ کننگ اٹ جم وڑاٹ 9.7 درسد نا نمو ریکارڈ کننگانے۔