جنیوا۔ 11 جنوری (اے پی پی) اقوام متحدہ اوغانستان اٹی بھسکاری آن بچنگ و 40 سال آن مشکل آتا گواچی ملک انا گچین آخبت کن جہانی ڈونرآتیان اینخوسال اٹی 5 بلین ڈالر امداد نا خواست کرینے۔ فرانسیسی خبررساں ادارہ نا رداٹ سے شنبے نادے آ اقوام متحدہ پارے کہ اوغانستان اٹی اینخو سال 2 کروڑ 20 لکھ اوغان شاری تا کمک کن 4.4 بلین ڈالر و 5 ہمسایہ ملک آتیٹی 57 لکھ بے اُرا اوغان شاری تیکن 623 ملین ڈالر نا امداد نا گرج ءِ۔ اقوام متحدہ نا انسانی امور و ایمرجنسی ریلیف کوآرڈنیٹر مارٹن گریفتھس جنیوا ٹی صحافی تے پارے کہ کنادمدستی کلہو ءِ کہ اوغانستان اٹی انسانی بھسکاری ءِ توننگ کن اوغان الس کن تینا درگہ ءِ ملوک تخے و بھلو کچ اسے آ بین، ناجوڑی ، غذائی کاختی و دمدستی مرک آتے توننگ کن ننا امداد ءِ ودفے انتئے کہ کمکی پیج آن بیدس اوغانستان اٹی ہچ ءُ آخبت اس اف۔ نا فراوانی آن کمکی ایجنسی تے اوغانستان اٹی خور انا فراوانی، کشت وکشار اٹ کمک، جان جوڑی نا آسراتی، غذائی کاختی نا درمان، ہلہلہ ئی پناہ گاہ، دیر و سفائی اسکان رسینگ، رکھ و تعلیم نا فراوانی ٹی کمک رسینگک۔ اوپارے کہ اگہ امداد فراوان کننگتو تو 2022اٹی 11 لکھ چناتتون اوار 47 لکھ بندغ غذائی کاختی نا گواچی مننگ کیرہ۔ اوپارے کہ انسانی امداد آن بیدس مشکل، مرک، بین و پین بھلو کچ اسے آ ہمپ و بٹ آن پد اوغانستان نا مخلوق نا دااومیت ہم چٹک کہ اوفتا ملک داسہ پین آخبت خڑک اٹ اوفتا اُرا و سیبو مریک و اگہ جہانی ڈونرآک مون آ برسا کمک کیر تو اوغانستان اٹی امن نا روشنائی نظربریک۔ اوپارے کہ اوغانستان اٹی انسانی ہمدردی ناتنظیم تیکن سلامتی نا حالیت آتیٹی تدوک آ کیہی سال آتا نسبت گچینی بسنے و کابل اٹ وزارت آتا عملہ طالبان تا حکومت آن مست آن ءِ۔ یات سلے کہ امریکہ اوغانستان نا ارب آ ڈالر آتا میرات ءِ منجمد کرینے۔
