اقوام متحدہ۔ 11 جنوری (اے پی پی) اقوام متحدہ نا سیکرٹری جنرل انتونیوگوتریش نائیجیریا نا زامفاراریاست اٹ تدوک آ ہفتہ ٹی سلہہ بند بندغ آتا جلہو آتا ترندی اٹ مذمت ءِ کرینے ہراٹی چندی شاریک زوال کریر۔ جہانی ادارہ نا سروک زہمی تا خاہوت آتون ہمدردی نا درشانی ءِ کرے و نائیجیرین کمامدارآتیا زور شاغا کہ زموار آتے اوفتے اوفتا کروک آ سزاترفنگ کن غٹ المی گام گیج کیر۔ اونائیجیریا نا دہشت گردی، پرتشدد انتہاپسندی و سجفوک ڈوہ انا برخلاف جنگ اٹ اقوام متحدہ نا یکجہتی و مخ تفی ءِ پک کرے۔ یات سلے کہ قطب دیکی نائیجیریاٹی 2020نا ایسر آن بھلو کچ اسے آ برمتہ و ایلو پرتشدد کارروائی کون آ ڈوہ تیٹی ودکی مسنے۔

متعلقہ مضامینمصنف کی طرف سے مزید