کابل۔10جنوری (اے پی پی):اوگانستان ءِ رودراتکی ننگر ہار ءَ سکول ءِ ڈن ءَ تراک ءِ نتیجگ ءَ 4 نودربر بیران ءُ 10 ٹپیگ بوتگ انت۔ چینی ھال رسانکی ادارگ ءَ ضلعی کارندہ آنی ھوالگ ءَ گوشت کہ اے تران دو شمبے ءَ ضلع لال پور ءَ بوتگ ایشی ءِ گیش ھال مالوم کنگ بوھگ ءَ انت۔ ڈسٹرکٹ یوتھ کونسل ءِ چیئرمین نادر مہمند ءَ گوشت کہ دو شمبے ءَ نیم روچ ءَ ضلع لال پور ءَ ورسک سکول ءِ ڈن ءَ ریڑھی ءَ وت جوڑ کتگیں بمبے ءَ چہ تراک ءِ کنگ بوت ایشی ءَ چہ درزن آنی نودربر آماچ بوتگ انت ایشاناں ہسپتال ءَ روان دیگ بوتگ۔ طالبان سیکورٹی فورسز آں دمگ ءَ را سیل کتگ، انوگ ءَ تاں اچ گروپ ءِ نیمگ ءَ تراک ءِ زمہ واری قبول کنگ نہ بوتگ۔
