اقوام متحدہ۔ 07 جنوری (اے پی پی) قطبی کوریا نا میزائل آزموندہ غان ودی مروک آ حالیت آتیا سجفنگ کن اقوام متحدہ نا سلامتی کونسل نا دیوان دوشنبے نادے آ مریک۔ فرانسیسی خبررساں ادارہ نا رداٹ حوالی تدوک آ دے پارے کہ دا دیوان اقوام متحدہ نا سلامتی کونسل نا 3 آخبتی باسک امریکہ، فرانس و برطانیہ نا خواست آ بٹنگ انگانے۔ اقوام متحدہ نا سلامتی کونسل نیوکلیئر و میزائل آزموندہ کننگ آ 2017ٹی قطبی کوریا غا اقتصادی پابندی خلکوسس ولے اوکان پد ہم قطبی کوریا وقتا فوقتا میزائل آزموندہ کرسا کرینے و او چارشنبے نادے آ پوسکن آ سال انا اولیکو میزائل آزموندہ کرے ہرا قطبی کوریا نا رداٹ ہائپر سونک میزائل آزموندہ ئس۔
