اسلام آباد۔ 06 جنوری (اے پی پی) ڈنمارک اٹی کاریم کروک آ پاکستانی تا زررادہ کننگ اٹ برجامالی سال اٹی تدوک آ مالی سال انا ہندا مد انا مقابلہ ٹی زرس ودکی ریکارڈ کننگانے۔ اسٹیٹ بینک انا کنڈآن دا بابت جاری کروک حساب وکتاب نا رداٹ برجامالی سال انا اولیکو 5 تُو اٹی ڈنمارک اٹی کاریم کروک آ پاکستانیک 29.8 ملین ڈالر نا زرمبادلہ ملک آ گدریفیر ہراتدوک آ مالی سال انا ہند امدانا مقابلہ ٹی 4.7 درسد زیات ءُ، تدوک آ مالی سال انا ہندا مد اٹی ڈنمارک اٹی کاریم کروک آ پاکستانیک 28.5 ملین ڈالر نا زرمبادلہ ملک آ گدریفیسر۔ نومبر 2021اٹی ڈنمارک آن زررادہ کننگ نا کچ 5.3 ملین ڈالر ریکارڈ کننگا ہرا اکتوبر اٹی 6 ملین ڈالر و تدوک آ سال نومبر اٹی 5.1 ملین ڈالر ریکارڈ کننگاسس۔ ساڑی حکومت نا کنڈآن کانودی و بینکنگ ذریعہ اٹ زررادہ کننگ نا است بڈی کن آسراتی، ترغیب و گام گیج آتا نتیجہ ٹی سمندر پارپاکستانی تا زررادہ کننگ اٹ پدریسہ ودکی مننگ ءِ و برجامالی سال اٹی سمندر پار پاکستانی تا زررادہ کننگ اٹ جم وڑٹ 9.7 ملین ڈالر نا نمو ریکارڈ کننگانے۔
