کابل۔ 27 دسمبر (اے پی پی) اوغانستان شیرخان ڈرائی پورٹ نا کمک اٹ نیامی ایشیائی ملک آتون واپار ءِ مون آ دننگ ءِ۔ چینی خبررساں ادارہ نا رداٹ ڈرائی پورٹ نا سروک مولوی سحر دوشنبے نادے آپارے کہ اوغان پوریاگر آک نیامی ایشیائی ریاست آتون شیرخان ڈرائی پورٹ نا کمک اٹ برآمد و درآمد آتیٹی ودکی کرینو انتئے کہ اوغانستان اٹی سیکورٹی ٹی گچینی بسنے۔ اوپارے کہ شیرخان ڈرائی پورٹ نا کمک اٹ برآمد آتیٹی 90 درسد ودکی مسنے، و تدوک آ 3 تُو اٹی درآمد آتیٹی 60 درسد ودکی مسنے۔ او مستی پارے کہ یک شنبے آ 16 تیل انا ٹینکیک سیم ءِ پار کرسا ملک اٹ پترینگار۔ شیرخان ڈرائی پورٹ، ہرا اوغانستان ءِ تاجکستان تون ملفک، سال آتا جنگ انا سوب آن بھس مسوسس۔ پورٹ کمامدارآک پاریر کہ اگست نا نیام اٹ طالبان تا اوغانستان آ کوزہ غان پد اودے دُوارہ فعا ل کننگانے، تدوک آ تُو تیٹی واپار اٹ ودکی مسنے۔
