اقوام متحدہ۔ 24 دسمبر (اے پی پی) اقوام متحدہ فلپائن اٹی رائے پنی ءُ طوفان اسے آن زہمی بندغ آتا امداد کن 106.5 ملین ڈالر جمع کننگ نا خواست انا چرجوئی ٹی مہم نا بناءِ کرینے۔ فرانسیسی خبررساں ادارہ نا رداٹ فلپائن اٹی اقوام متحدہ نا کوآرڈنیٹر گوستاووگونزالیزتدوک آ دے ورچوئل کانفرنس اٹی پارےکہ نن فلپائن اٹی جہانی برادری نا نمائندگی آن ہندی کہول آ انسانی گرج و زہمی تیکن امداد جمع کننگ کن مہم نا بناءِ کننگ اُن ہراٹی 106.5 ملین ڈالر ناخواست کننگانے و دا امداد آن بھاز زہمی علاقہ غاتیٹی 5 لکھ 30 ہزار بندغ آتا کمک ءِ کننگک ہرافتے جان جوڑی نا آسراتی ، کنوئی ءُ دیر اسکان رسینگ و سفائی نا آسراتی تا سخت گرج ءِ ہنداخاطرآن یکجہتی و ترندی اٹ پبی گام گیج آن فلپائن اٹی طوفان آن زہمی بندغ آتا پورو مخ تفی نا عزم انا دوئی کننگ ءِ پک کننگ مریک۔ یات سلے کہ فلپائن نا چندی بشخ آتیٹی اسہ ہفتہ اس مست رائی طوفان آن 375 بندغ زوال و بھلو کچ اسے آ اُراک بھس مسر وخت اس کہ ملک انا چندی شارتیٹی بجلی نا فراوانی معطل مسوسس۔
