کابل۔ 23 دسمبر (اے پی پی) اوغانستان اٹی اقوام متحدہ نا کمکی مشن(یواین اے ایم اے) اوغانستان نا امداد کن اقوام متحدہ نا سلامتی کونسل نا کنڈآن قرارداد نا منظوری نا خیرمقدم ءِ کرینے ہراٹی اوغان حکومت آ خلوک اقوام متحدہ نا پابندی تا نظام اٹ انسانی ہمدردی نا بنداو آ استثنیٰ تننگانے۔ چینی خبررساں ادارہ نا رداٹ اقوام متحدہ نا کمکی مشن پنچ شنبے نادے آ تینا ٹویٹ اٹی پارے کہ مشن سلامتی کونسل نا اوغانستان اٹی لکھ آ ضرورت مند بندغ آتا انسانی ہمدردی نا بنداو آ دمدستی امداد فراوان کننگ نا فیصلہ نا خیرمقدم ءِ کیک۔ مشن طالبان کمامدار و جہانی برادری آ زور شاغا کہ اواوغانستان آ اثرانداز مروک آ گیشتر، بنداوی، زرگزرانی تنکی نا ایسرتون اوار اوغان الس نا گرج و حق انا مخ تفی کن المی گام گیج آتے ترند کیر۔
