ٹوکیو۔ 17 دسمبر (اے پی پی) جاپان نا وزارت جان جوڑی بوسٹر شاٹ کن موڈرناویکسین نا کاریم اٹ اتنگ نا منظوری ءِ تسنے، جاپان اٹی فائزر ویکسین ءِ کاریم اٹ اتسا بوسٹر شاٹ خلنگ بناکرینے۔ جاپانی میڈیا نا رداٹ وزارت پڑو کرینے کہ 18 سال یا اوکان زیات وئی نا ہمو مخلوق ءِ موڈرنا نا بوسٹر شاٹ خلنگ مریک ہرا مہالو کورونا ویکسین نا 2 خور خلفینو۔ وزارت نا عہدیدار آتا رداٹ مسٹ میکو خور مہالوخلوک آ خور آتا نیمہ مقدار مریک و ہر اسٹ ءِ ارٹ میکو خور خلفنگ نا کم از کم 6 تُو آن پد خلنگک۔ وزارت نا پاننگ ءِ کہ ہرافک اولیکو اِرا خور فائزر ویکسین نا خلفینو او بوسٹر یعنی مسٹ میکو خور اکن موڈرنا ویکسین خلفنگ کیرہ ۔
