موغادیشو۔ 17 دسمبر (اے پی پی) صومالی نیشنل آرمی سویلی علاقہ ٹی برجا سیکورٹی آپریشن تیٹی الشباب نا 34 کارندہ غاتے خلکونے۔ ہندی میڈیا نا رداٹ آپریشن نا کماشی ءِ کروک آ ایس این اے کمانڈرز سرکاری ریڈیو ءِ پارے کہ فورس آک تدوک آ اِراہفتہ ٹی جبل لینڈ، ہیر شابیلے و سویل دیکی ریاست آتیٹی الشباب نا 12 ٹھکانہ غاتے ہم بھس کریر ۔ ہندی ریڈیو نا رداٹ صومالی نیشنل آرمی قومی گچین کاری تیٹی مچ آملک اٹی سیکورٹی نا کارروائی تے ترند کرینے واو عسکریت پسند پڑک نا برخلاف ہمووخت اسکان جلہو آتے برجاتخنگ نا عزم کرینے ہراوخت اسکان اوفتا جنگوڑو آتے زیر کننگپک۔ حکومتی فورس آک ساڑی آ وخت اٹی سویلی و نیامی علاقہ غاتیٹی الشباب نا جنگوڑو آتا برخلاف کارروائی تے ترند کرینو ولے عسکریت پسند آک داسہ ہم داڑے خلقی آ علاقہ غاتیا کوزہ گیر ءُ و گھات خلسا جلہو کننگ تون اوار اوار بارودی سرنگ ہم تالان کننگ ءُ۔
