کابل۔ 13 دسمبر (اے پی پی) اوغانستان اٹی دوشنبے نادے آ پولیو تور مچ آ ملک اٹی مہم بناکرینے۔ دا مہم 2 ہفتہ اسکان برجاسلک ہراٹی 5 سال اسکان نا وئی نا 99 لکھ چناتے پولیو آن بچفنگ نا پڑی کنفنگک۔ مہم نا بناءِ اوغان وزارت جان جوڑی کرے۔ چینی خبررساں ادارہ اوغان وزارت جان جوڑی نا بیان نا بابت پارینے کہ دا سال 2021نا آخیریکو پولیو مہم مریک۔ بیان اٹی پاننگاکہ داہفتہ اوغانستان نا 34 آن 21 صوبہ غاتیٹی پولیوآن بچفنگ نا مہم چلیفنگک وخت اس کہ بروک آ ہفتہ ٹی 13 صوبہ قندھار، ہلمند، نمروز، زابل، اورزگان ، ننگرہار، کنڑ، نورستان ، غزنی ، لغمان ، پکتیکا، بلخ و غور اٹی 5 سال اسکان نا وئی نا چناتے پولیو آن بچفنگ نا پڑی کنفنگک۔ بیان اٹ پاننگاکہ دا پولیو تور مہم اقوام متحدہ نا ادارہ اطلفال یونیسیف و جہانی ادارہ جان جوڑی نا تکنیکی و مالی کمک اٹ بناکننگ انگ ءِ۔
