ابوجا۔ 10 دسمبر (اے پی پی) نائیجیریا نا نیامی ریاست نائجر نا اسہ خلق اسے ٹی نادرست سلہہ بند بندغ آتا جلہو اٹی 9 بندغ زوال و 10 ٹھپی مسنو۔ چینی میڈیا نا رداٹ ریاست نا پولیس چیف بالا کوریاس مینا ٹی میڈیا ءِ پارے کہ زہمی بندغ آک نائجر نا علاہق ماشیگو نا بائرے خلق انا اسہ ہندی ءُ مسیت اسے ٹی داوخت آ سہب انا نماز ءِ خوانارہ کہ نادرست سلہہ بند بندغ آک جلہو کریر، ہرانا نتیجہ ٹی 9 بندغ زوال و 10 ٹھپی مسر۔ اوپارے کہ سلہہ بند بندغ آک موٹرسائیکل آ سوار مرسا خلق انا کنڈآ بسر و سیدھا مسیت نا کنڈآ ہنار ہراڑے اوفک نمازی تیا سم کاری کریر۔ پولیس جلہو آن پد مچ آ علاقہ ءِ گھیڑ کرے و نادرست سلہہ بند بندغ آتا پٹنگ نا بناءِ کرے۔
