نئی دہلی۔ 10 دسمبر (اے پی پی) بھارت اٹ تدوک آ 24 گھنٹہ ٹی کورونا دین انا 8 ہزار 503 پوسکن ءُ کیس رپورٹ مس اوکان پد مچ آ ملک اٹی کورونا دین آن زہمی بندغ آتا جم کچ 34674744آن گدرینگا۔ چینی میڈیا بھارتی وزارت جان جوڑی نا تازہ انگا حساب وکتاب نا بابت پارے کہ بھارت اٹ تدوک آ 24 گھنٹہ ٹی کورونا دین آن 624 پوسکن ءُ زوال رپورٹ مسنے اوکان پد زوال کروک آتا جم کچ 4 لکھ 74 ہزار 735 اسکان سرمسنے۔ بھارت کورونا دین انا ناجوڑ آتا لحاظ اٹ دنیا نا ارٹ میکو غٹ آن زیات زہمی ملک ءِ، کورونا دین نا فعال کیس آتا جم کچ 94 ہزار 943 ءِ۔ کورونا دین آن زہمی 34105066بندغ دراخ جوڑ ہم مسنو ہرافتے ہسپتال آن کشنگانے۔
