کابل۔ 09 دسمبر (اے پی پی) اوغانستان اٹی 300 بے اُرا خاہوت آتے کمکی پیکج بشخنگا۔ ملک انا ڈیزاسٹر مینجمنٹ و انسانی امور نا وزارت تینا بیان اٹی پاریر کہ اوغانستان نا دے ٹکی صوبہ غزنی 300 خاہوت آتیٹی کمکی پیکج بشخنگا ہرا غزنی نا چندی ضلع غاتیان صوبائی دارالحکومت غزنی شار اٹی خشک سالی آن بے اُرا مسوسر۔ بیان نا رداٹ تروک آ پیکج آتے ٹی 50 کلو برنج، 7 کلو بورہ، 7 کلو پھلی، 5لیٹر کوکنگ آئل و 1 کلوچااوار ءِ۔ بیان اٹی پاننگانے کہ مچ آ اوغانستان اٹی ضرورت مند خاہوت آتیٹی خور انا امداد نا بشخنگ نا عمل برجاءِ۔ سال انا بناآن ، 634،000 آن زیات مخلوق جھیڑہ و خشک سالی نا سوب آن بے اُرا مسنو۔ سرکاری حساب وکتاب نا رداٹ، ایشیائی ملک اٹی 2012آن داتم اسکان کم و ود 5.5 ملین بندغ بے اُرا مسنو۔
